kulog kidlat

kulog kidlat ikaw ay nasaan
halika't ako'y bigyan ng ulan
uhaw ang aking kapaligiran
nangulila na sana'y puntahan

mga damo na dati'y luntian
punong saging tuyot ang katawan
ikaw ngayon ang inaasahan
kulog kidlat ulan hwag pigilan

kulog kidlat ligaya ang dulot
bigay mong ulan sa dahon tuyot
sibol bagong pagasang bantulot
kalabaw di na nakasimangot

kulog kidlat isang kahilingan
itong ulan huwag pabayaan
na kami'y gawin lamang laruan
pangako aming kapaligiran
ngayo'y palaging aalagaan

Ako na isang halaman [acrostic]

A-ng sinag ng araw na ang kabuoan ko’y walang sawang binibilaran

K-ailangan ko sa aking buhay bigay niyang kasiglahan kalakasan

O-ras ay bakit kay higsi hindi matugunan ng sapat na kailangan



N-ais ko man laging magtampisaw sa mga silahis niyang binibigay

A-y hindi ko nagagawa sa dahilang ang ulap na itim ay nagbantay



I-yang ulap naman ang siyang nagsasabing magpalamig paminsan minsan

S-iguradong papatak ang ulan na sa buhay koy kailangan din naman

A-raw ang nagbibigay ng init sa katawan kong giniginaw minsanan

N-agpasalamat sa sikat ng araw dahil makatrabaho ako maghapunan

G-ayun din sa ulan na pumawi sa uhaw lalo na kung maalinsangan



H-alik ng ulan at samyo ng araw buhay ko’y puno sa kaligayahan

A-yaw ng aking ugat ang panay ulan alipunga akoy tutubuan

L-along ayaw ko sa gabi’y umaaraw dahil maluto aking katawan

A-nhin ang labis at anhin ang kulang kung makasama sa kinabukasan

M-aganda iyong tamang tama lang sa araw araw na pangangailangan

A-ng tao’y matutuwa sa gandang taglay nakamit totoong kalusugan

N-akita sa katawan ang dami ng aanihin pagdating ng gapasan

Kawayan mabilis

Lahat nais magandang likha patuloy manatili
Rosas punong kahoy manok ibon isda gulay sili
Kapaligiran laging maganda huwag atubili
Pagyao nang matanda mga iniwan may silbi

Pursigido lalong dapat kapaligiran pagandahin
Bagong pananaw sa araw buwan lupa ay gamitin
Pag-aralan maigi mga hakbang pamaraan gagawin
Teknolohiya ngayon panahon malaking tulong sa atin

krisis pangkabuhayan narito, bayan may hikahos
ayuda galing palasyo, gamitin tumpak maayos
kasakiman sa salapi, kinabukasan mawala sa agos
pamana alagaan ipagsangalang sa mga daraan unos

sa kabataan iniwan pamana, paligid na malusog
pagyamanin, huwag makasarili bayan gawin busog
mga turista sa bayan ni juan dadalaw may lugod
tanawin makita bigay kasiyahan inalis ang pagod

kapaligiran malinis puso isipan ngiting matamis
namayapa man si impo at ingkong walang tangis
kanilang napasimulan ituloy musika lawiswis
turistang paa may lukso sayaw kawayan mabilis.

Lake sebu

sa lake sebu makikita, maliliit na mga alon
alon sa paligid maganda, ano ang mayroon
iyon ay aalamin, turista akong paparoon
anong bahaghari, ang matatagpuan doon

ako'y mamangka, upang maramdaman
dampi nang hangin malamig, sa aking dughan
alon nang tubig, gusto naman mahawakan
lake sebu, ganda mo'y gusto kong malaman

isda galing lake sebu, aking natikman
tilapia kung tawagin, kaiba ang linamnam
sinugba,paksiw, kinilaw, iyong pagpilian
ano man luto, siguradong magugustuhan

lake sebu, ang lawa sa itaas nang bundok
iyong lalim, wala akong nasang maarok
sapat na ang hangin, nilalaro aking buhok
magandang bituin kasama, nagbigay antok

lake sebu, ikaw ba'y tunay na matulain
ang iyong paligid puno ba, ng mga awitin
kaayaya ba, sa pandinig mga tugtugin
habang pumapadyak, mga paang matulin
kendeng ng baywang, takaw ba sa tingin

iwanan ang problema at mga panimdim
halina sa lake sebu, puntahan bigyan pansin
may kaibang ganda ba, ang kanilang bituin
lahat nang ito ay sama-sama nating aalamin