Nasaan ka

Sa alapaap ako’y may hinahanap

Isang babaing malaon g pinapangarap

Hanap dito hanap doon sige ang lakad

Tanging baon isang pagibig na tapat

Handang iyalay ng buong paglingap

Kailan kailan ko kaya makikita

Nang puso kong laging nangungulila

Ako’y nagtiis ng napakatagal na

Ang tanging nais makapiling ka sinta

Oh aking giliw ikaw sanay magpakita

Alam mo bang sa aking pagtulog

Kapiling sa magdamag ang lungkot

Na maging sa aking panaginip

Makita ka akoy sabik na sabik

Oras na lumipas sadyang nakakainip

Oh aking mahal sana akoy dinggin

Ang samo ng aking pusoy tanggapin

Umasa ka ikaw ay laging aaliwin

Sa araw araw tuwina ay paliligayahin

Daigdig ng pagibig magiging atin

Kay lungkot naman nitong sinapit

Sa buhay koy sadyang napakapait

Ng makita ka mata moy nakapikit

Nasaan kana ikaw na aking pagibig

Nasaan ka mahal ko akoy humihibik

Akoy pakinggan huwag mong iwaglit

Kung ikaw ay nandiriyan na sa langit

Akoy abangan hintayin aking pagsapit

Sa aking pagdating tayoy magsasamasama

Sa pugad na puno ng halakhak at saya

Huwag

huwag mag-away
kung hindi magkasundo
dapat maglayo

Sige, patuloy mo siyang mahalin

ang tulang ito ay para kay kapitantiago
sa kanyang nag-iisan pagibig

sige, patuloy mo siyang mahalin
siya ang iyong buhay
siya ang iyong awit
siya ang iyong tula
laman siya nang iyong isipan
laman siya nang iyong pangarap
laman siya nang iyong panaginip
laman siya nang iyong pantasya

sige, patuloy mo siyang mahalin
maraming sangkap masarap na buhay
matamis na ngiti
matunog na tawa
taginting nang halakhak
indak nang mga paa
kaway nang mga kamay
mapait na luha
hapdi nang kabiguan
at marami pang iba

sige, patuloy mo siyang mahalin
sa tamang yugto
sa gustong indayog
sa hakbang nang mga paa
maliit O malaki
sa gustong init
sa gustong lamig

sige, patuloy mo siyang mahalin
patuloy kang kakatha nang mga tula
hanggang siya ay may buhay
patuloy kang mabubuhay
kung siya ay wala na
sino pa ang iyong mamahalin

salamat sa mga tula
na iiwanan sa amin

Hindi Pwede

parang kailan lang, ng tayo'y magkakilala
sa palengke una tayong nagkita
ipinakilala ka ng kaibigan kong si lita
kaylambot kaylamig, kamay mo'y nanginginig pa

hindi ko maunawaan, ang aking naramdaman
kaytagal na, mukhang mauulit na naman
kayraming nagsalimbayan sa aking kaisipan
bumilis pintig nang puso, pangarap kang anakan

ako'y nagtiyaga, buong puso sinuyo kita
sa pagdalaw, tsokolate bulaklak aking dala
handog sa iyo upang lagi mong maalaala
walang ibang nililigawan ikaw lamang sinta

lumipas ang humahagibis na panahon
sa panliligaw malapit mag-isang taon
mula unang dalaw buwan nang mayo noon
ako'y kinabahan mata ko sa iyo nakatuon

bigla kaibang sigla itong aking naramdaman
nang sabihin sa susunod na dalaw malalaman
inialay na pag-ibig bibigyan kasagutan.
sa wakas paghihintay dumating katapusan

ang wika niya sa akin nang ako'y dumating
sa lahat ng mga nanliligaw sa akin
ikaw ang matiyaga at maalalahanin
nagkaroon ka ng pitak sa damdamin

ngunit may nagsabi sa akin hindi ko akalain
hindi ko tuloy malaman paano sasabihin.
may asawa ka, hindi puweding angkinin
akala ko'y binata kang umiibig sa akin

humayo ka, sa panaginip, pag-ibig iyong baunin
harapin hindi tayo pwedeng pagsamahin
puso'y nalito, ang bulong gusto kang mahalin
ngunit buo ang loob mong ako'y lilimutin

Kulang sa pera

alay tapat na pagsinta
tayo ko 'di nakahanda
ibigin mo 'di magawa

kaya pilit lumayo
kapag ako'y nabigo
babalik nakayuko

sa aking paglisan
naipon mga sagwan
yari sa bakawan

muli;t muli susuyuin
pag-ibig kong uulitin
nais puso mo'y kamtin

halika aking mahal
pag-ibig gawin banal
tayo na magpakasal