Lake sebu

sa lake sebu makikita, maliliit na mga alon
alon sa paligid maganda, ano ang mayroon
iyon ay aalamin, turista akong paparoon
anong bahaghari, ang matatagpuan doon

ako'y mamangka, upang maramdaman
dampi nang hangin malamig, sa aking dughan
alon nang tubig, gusto naman mahawakan
lake sebu, ganda mo'y gusto kong malaman

isda galing lake sebu, aking natikman
tilapia kung tawagin, kaiba ang linamnam
sinugba,paksiw, kinilaw, iyong pagpilian
ano man luto, siguradong magugustuhan

lake sebu, ang lawa sa itaas nang bundok
iyong lalim, wala akong nasang maarok
sapat na ang hangin, nilalaro aking buhok
magandang bituin kasama, nagbigay antok

lake sebu, ikaw ba'y tunay na matulain
ang iyong paligid puno ba, ng mga awitin
kaayaya ba, sa pandinig mga tugtugin
habang pumapadyak, mga paang matulin
kendeng ng baywang, takaw ba sa tingin

iwanan ang problema at mga panimdim
halina sa lake sebu, puntahan bigyan pansin
may kaibang ganda ba, ang kanilang bituin
lahat nang ito ay sama-sama nating aalamin

Hindi Pwede

parang kailan lang, ng tayo'y magkakilala
sa palengke una tayong nagkita
ipinakilala ka ng kaibigan kong si lita
kaylambot kaylamig, kamay mo'y nanginginig pa

hindi ko maunawaan, ang aking naramdaman
kaytagal na, mukhang mauulit na naman
kayraming nagsalimbayan sa aking kaisipan
bumilis pintig nang puso, pangarap kang anakan

ako'y nagtiyaga, buong puso sinuyo kita
sa pagdalaw, tsokolate bulaklak aking dala
handog sa iyo upang lagi mong maalaala
walang ibang nililigawan ikaw lamang sinta

lumipas ang humahagibis na panahon
sa panliligaw malapit mag-isang taon
mula unang dalaw buwan nang mayo noon
ako'y kinabahan mata ko sa iyo nakatuon

bigla kaibang sigla itong aking naramdaman
nang sabihin sa susunod na dalaw malalaman
inialay na pag-ibig bibigyan kasagutan.
sa wakas paghihintay dumating katapusan

ang wika niya sa akin nang ako'y dumating
sa lahat ng mga nanliligaw sa akin
ikaw ang matiyaga at maalalahanin
nagkaroon ka ng pitak sa damdamin

ngunit may nagsabi sa akin hindi ko akalain
hindi ko tuloy malaman paano sasabihin.
may asawa ka, hindi puweding angkinin
akala ko'y binata kang umiibig sa akin

humayo ka, sa panaginip, pag-ibig iyong baunin
harapin hindi tayo pwedeng pagsamahin
puso'y nalito, ang bulong gusto kang mahalin
ngunit buo ang loob mong ako'y lilimutin

Pulubi: natupad na pangarap

KAHIT NA PULUBI MARUNONG DIN NAMAN MANGARAP AT KUNG MATIYAGA, MASIPAG AT MAABILIDAD, MALAKI ANG PAG-ASANG UMANGAT.


kanyang gulanit na saplot
sa katawan isinuot
tagpi'y tadtad, abot abot
ang manggas, kulang talulot
may bulsa nga, pero buslot

ang pantalon, kulay pula
nawalang damit ni santa
baywang may taling kadena
maigsi kabilang paa
may punit, tuhod pababa

mata'y malungkot, malamlam
ngiwing baba, parang nakulam
ang titig nang pamaalam
bukal nang awa nakamtan
lapad na baka, inabutan

sa banketa sumalampak
bigla bunghalit nang iyak
sa tindi nang laka, nagulat
mga naglalakad tingin lahat
kalansing nang bakal mabigat

sumasayaw umiindak
iipunin kalansing pinulot
malapit, pangarap maabot
karenderyang de gulong
ililibot kasama ang sandok

Kulang sa pera

alay tapat na pagsinta
tayo ko 'di nakahanda
ibigin mo 'di magawa

kaya pilit lumayo
kapag ako'y nabigo
babalik nakayuko

sa aking paglisan
naipon mga sagwan
yari sa bakawan

muli;t muli susuyuin
pag-ibig kong uulitin
nais puso mo'y kamtin

halika aking mahal
pag-ibig gawin banal
tayo na magpakasal

Tampurista

Kay tagal narin naman tayoy hindi nagkikita
Sa puso koy napapanaginipan parin kita sinta
Hindi maunawaan bakit laman ka parin ng alaala
Hindi man nagkaunawaan kailangan bang lumayo ka

Natandaan ko pa noon tayoy naglakad sa plaza
May pagbati kaibigan at kilala pagnasalubong sila
Maganda raw tayong masdan magkahawak kamay pa
Kaydami mong kwento at mga biro tayoy masaya

Itoy mga alaala ng lumipas sa aking gunita
Mananatili itong buhay sa akin kahit ikaw ay wala
Tahimik ang panalangin nagnanais sanay bumalik ka
Naghihintay ba ako ng isang panahon malaon ng wala

Mga sulat mo na akin itinago muling babasahin
Pipilitin kong matagpuan ang susi sa tampuhan natin
Madalas sa hapag kainan wala akong ganang kumain
Hindi ito tama wala itong masayang mararating

Matagal kanang wala dapat bang maghintay pa
Ang puso paglubog ng araw laging puno ng dalita
Umaasam ng isang pag ibig na marunong umunawa
Sana pag ibig ko sa iyo mawaglit sa aking gunita

Dahil ikaw ay wala na ako ngayon ay Malaya
Ang gapos ng iyong pag ibig kinakalas ko sa alaala
Bagong pag ibig pangako di ako maging kawawa
Ngayon akoy maingat ayaw ko sa tampurista

DATI'Y MAY BUHOK

Pulubi: isang hanapbuhay

Akoy naglalakad sa daan bukas ang palad
kinakalabit mga kasalubong sa paglakad
Sa kanilang mata aking titig nagbababad
malungkot na mukha sa kanilay nabantad

piso nang maawain puso sa akin iyaabot
lima naman sa binatang kasama ebobot
sampo bigay nang mayaman di kuripot
sermon, kakambal sa bigay na karampot

Bukas ang palad, sa araw araw lumalakad
itong aking hanapbuhay piso o sampo hanap
sa ngayon mabuti na ito kaysa mang holdap
pulubi nga ako pero marunong din mangarap