mahalin ang kaibigan, nararapat
kaibigan nakakaunawa sa bigat
mga problema mong kinakaharap
siya ang katuwang sa tinatahak
narapat din kaibigan kilalanin
kaibigan, hindi narapat tuksuhin
huwag siyang gawin sawang bitin
sawang bitin kaya kang lingkisin
ingatan ang relasyon madungisan
bawat damdamin alaga kailangan
ibigay pinakamataas na pitagan
ganyan ang tunay na magkaibigan
sa haba ng mga landas na tinahak
madalas kasama lungkot halakhak
balakid sa pangarap kasang hinarap
walang iwanan, titig walang kurap
unti-unti sa damdamin, nagtatanong
wala ang kaibigan saan siya naroon
pakiramdam malungkot saan hantong
bakit balisa isip puso ano mayroon
matagal nang napansin aking sarili
sa damdamin sa gabi hindi mapakali
ako ba'y umiibig sa kanya? atubili
ang puso, dahil magkaibigan kami
Sunday, March 15, 2009
Subscribe to:
Post Comments (Atom)
No comments:
Post a Comment