Kayganda mo aking mahal, kayganda mo aking sinta
Sa akin, ang laging dulot mo’y kagalakan at ligaya
Kay hinhin nang iyong kilos para kang punong
sa higpit nang aking yakap ikaw ay laging masaya
Ang dibdib mong ubod yaman tulad sa papaya
Aking susungkitin, aakyatin kakatasin ang bunga
Sa dibdib mong ubod bango lagi akong maligaya
Pagdating gabing tahimik, dyan ako dadalaw sinta
Kayganda mo aking mahal, kayganda mo aking sinta
Ang labi mo’y pulang pula sadyang kahalihalina
Kapag ikaw ay nangungusap lalo itong gumaganda
Mga kataga Nang pag-ibig sa aking pandinig musika
Ang labi mo aking hirang kay tamis Nang malasahan
Lumakas pakiramdam ko sa bigay na sigla sa katawan
Ang dila mo’y sadyang kaylikot lasa’y parang pulot
Tunay Katas nang kaligayahan ang sa akin ay dulot
Kayganda mo aking mahal, kayganda mo aking sinta
Kayganda talaga nang mga mapupungay mong mata
Nagniningning, nang-aakit habang aking minamasdan
Ikaw ay tunay na inibig mula nang mata mo’y nasilayan
Ang buhok sa tamang haba, sa pagkilos sumasayaw
Ang balikat na laging Malinis ang siyang kaulayaw
Ang leeg mo’y ubod kinis may kuwintas na kay inam
Tama lamang ang kasukatan kaysarap na halikan
Sa halamanan hardin ikaw laging pinupuntahan
Nagnanais na ang ngiti sa umaga masilayan
Halik sa mga labi nais kong laging matikman
Tunay nga tunay na tayo’y nagmamahalan
Hindi tayo magkakalayo hanggang sa kalangitan
No comments:
Post a Comment