maghapon sa putikan mga paa at kamay
masakit balakang gawa walang humpay
kailangan maitanim mga punlang palay
aalagaan hanggang maging gintong uhay
balik-balik ang takbo highway tinutugaygay
padyak kaybilis nilapitan ang nakitang kaway
sa dalan marami ang sa kanya’y naghihintay
maghapon kaway hatid pamatid ng lumbay
masipag na kargador sa palengke si mang ador
walang pinipiling buhatin maging aparador
inaabot ang dilim sa gawain sa north harbor
kayraming pasaherong naghintay sa sakyan bapor
si annabelle nagtitinda ng isda sa palengke
malakas ang kanyang benta kay may diskarte
maligaya ang bumibili sa kanya mga ale
may nagregalo sa kanya nang pagkain alupe
sa maghapon paglalakad iyong makikita basura
sa dalan nagkalat mga naglalakad ang may gawa
mga metro aid ang nagwawalis sila ay basurera
pinatili nila mga daan maging malinis maganda
patuloy ang padyak sa makina nang damit
tinatahi kappa at toga sa graduation gamit
diploma mahabang panahon pagsikap nakamit
handog sa ama at ina nagmahal nagpakasakit
siya’y magsasaka, drayber sa maghapon, kargador
tindera nang isda, metro aid basurera, isang mananahi
nagsikap nagtiis nagmahal sa mga supling nang pagibig
sa mga nagmahal na anak, sila’y bayani sa kanilang tahanan.
No comments:
Post a Comment